diary

Usa sa halandumong nahitabo nako niining semanaha mao ang pag-adto namo sa simala. Sayo sa kabuntagon kami nangmata sa akong pamilya para mangandam sa pag-adto namo sa lugar. Alas 6:30 na mi nang-gikan sa amoa. Nagsakay lang mi ug v-hire padulong sulod sa Simala gikan sa south bus terminal. Init kaayo ang kabuntagon niadtong adlaw sa lunes. Nahiabot mi sa maong lugar mga alas 9 na sa kabuntagon tungod sa medyo trapik ang ang among mga naagian. Nanulod kami didto ug nanagkot sa mahal kaayo nga kandili nga nagkantidad ug 35 pesos ang usa. Gidumokan sa mga taw ang simbahan tungo kay holiday man pud. Wala mi naka halok sa birhen tungod taas kaayo ang linya padulong sa taas ug pwerteng inita sa gawas. Nangadye nalang mi ug kadiyot sulod sa simbahan. Pagkahuman namo ug pangadye, nangaon mi didto sa payag-payag nga nahimutang ubos sa simbahan. Alas 11 na sa kabuntagon mao naniudto nalang mi tungod layo pa ang among biyaheon. Pagkahuman ug pangaon namo nana-gawas nami sa simbahan ug nanakay ug habal-habal padulong sa eskina sa simala. Didto sa eskina sa simala nanakay mi ug bus. Dugay kaayo mi nakalarga tungod kinahanglan pang pun-on ang bus usa makalarga. Nisamot mi ug kadugay tungod kasagaran sa mga taw gipili ang pagsakay ug v-hire kay mas dali ug komportable kini. Ala una na sa hapon kami nakalarga. Nahiabot mi sa south bus terminal mga alas 3 na sa hapon. Paghuman namo didto sa simala nangumpra mi sa Metro Gaisano. Pagkahuman sa Metro Gaisano didto mi sa crbon para mangumpra ug mga ready-to-wear shirts para ebaligya sa akong mama. Pagkahuman ug pangumpra nangaon napud mi sa usa ka carenderia. Pagkaguman namo ug kaon, namauli mi sa Consolacion sakay ug taxi. Naabot mi sa among lugar alas 5 na sa hapon ug didto namahulay nami. Diri natapos ang mga halandumong nahitabo kanako.